એક્ટ્રેસ દીપિકા પાદુકોણે એક ઇન્સ્ટાગ્રામ પોસ્ટ દ્વારા જણાવ્યું છે કે, તે શાહરુખ ખાનની આગામી ફિલ્મ 'કિંગ' માં અભિનય કરશે. દીપિકાએ આ ફિલ્મનું શૂટિંગ શરૂ કરી દીધું છે. શનિવારે શેર કરેલી એક પોસ્ટમાં, દીપિકાએ શાહરુખનો હાથ પકડીને પોતાનો એક ફોટો શેર કર્યો અને એક ભાવનાત્મક નોંધ લખી. દીપિકાએ લખ્યું, લગભગ 18 વર્ષ પહેલાં, 'ઓમ શાંતિ ઓમ'ના શૂટિંગ દરમિયાન, તેમણે (શાહરુખે) મને પહેલો પાઠ શીખવ્યો હતો કે ફિલ્મ બનાવવી અને તમે જેની સાથે કામ કરો છો તે લોકો તેની સફળતા કરતાં વધુ મહત્વપૂર્ણ છે. હું સંપૂર્ણપણે સંમત છું અને આ પાઠને મારા દરેક નિર્ણયમાં લાગુ કર્યો છે. કદાચ એટલા માટે જ અમે હવે સાથે મળીને અમારી છઠ્ઠી ફિલ્મ બનાવી રહ્યા છીએ. દીપિકાની પોસ્ટ પર પ્રતિક્રિયા આપતા, તેના પતિ અને એક્ટર રણવીર સિંહે લખ્યું, 'શ્રેષ્ઠ મિત્રો!' નોંધનીય છે કે, શાહરુખ અને દીપિકાએ અગાઉ 'ઓમ શાંતિ ઓમ', 'ચેન્નાઈ એક્સપ્રેસ',' હેપ્પી ન્યૂ યર', 'પઠાણ' અને 'જવાન' જેવી ફિલ્મોમાં સાથે કામ કર્યું છે. જ્યારે, ફિલ્મ 'કિંગ' સિદ્ધાર્થ આનંદ દ્વારા નિર્દેશિત છે. તેમાં સુહાના ખાન, જેકી શ્રોફ, અનિલ કપૂર, અરશદ વારસી, રાની મુખર્જી, અભિષેક બચ્ચન, જયદીપ અહલાવત અને અભય વર્મા પણ છે. નોંધનીય છે કે, તાજેતરમાં જ ફિલ્મ 'કલ્કિ 2898 એડી' ના નિર્માતાઓએ સત્તાવાર રીતે જાહેરાત કરી હતી કે એક્ટ્રેસ દીપિકા પાદુકોણ હવે તેની સિક્વલમાં નહીં રહે. ગુરુવારે X પર પોસ્ટ કરતાં, ટીમે કહ્યું હતું કે, "ઊંડું વિચાર્યા બાદ, અમે અલગ થવાનો નિર્ણય લીધો છે. પહેલી ફિલ્મની લાંબી સફર છતાં, અમે યોગ્ય ભાગીદારી બનાવી શક્યા નહીં. અને 'કલ્કિ 2898 એડી' જેવી ફિલ્મ માટે સંપૂર્ણ પ્રતિબદ્ધતા અને તેનાથી પણ વધુની જરૂર હોય છે. અમે તેમને તેમના ભવિષ્યના કામો માટે શુભકામનાઓ પાઠવીએ છીએ.' આ ફિલ્મમાં પ્રભાસ અને અમિતાભ બચ્ચન મુખ્ય ભૂમિકામાં છે, અને તેનું દિગ્દર્શન નાગ અશ્વિન દ્વારા કરવામાં આવ્યું છે. ફિલ્મ 'કલ્કિ 2898 એડી' 27 જૂન, 2024 ના રોજ રિલીઝ થઈ હતી. વાર્તા મહાભારતના કુરુક્ષેત્ર યુદ્ધના અંતથી શરૂ થાય છે અને 2898 એડી ના ભવિષ્યના વર્ષ સુધી આગળ વધે છે. 'કલ્કિ 2898 એડી' બોક્સ ઓફિસ પર હિટ રહી હતી, જેણે વિશ્વભરમાં ₹1000 કરોડથી વધુની કમાણી કરી હતી.
Click here to
Read more
