કૃષ્ણદેવ યાજ્ઞિકની ફિલ્મ 'વશ લેવલ 2' 27 ઓગસ્ટે રિલીઝ થઈ રહી છે. ફિલ્મમાં લીડ રોલમાં જાનકી બોડીવાલા, હિતેનકુમાર, મોનલ ગજ્જર તથા હિતુ કનોડિયા છે. આ ફિલ્મ 'વશ'ની સીક્વલ છે. આટલું જ નહીં, આ ફિલ્મ પરથી હિંદી ફિલ્મ 'શૈતાન' પણ બની હતી. અજય દેવગન-આર માધવન તથા જાનકી બોડીવાલા લીડ રોલમાં હતાં.ઉલ્લેખનીય છે કે આ ફિલ્મ માટે જાનકી IIFAમાં બેસ્ટ સપોર્ટિંગ રોલનો અવૉર્ડ શાહરુખ ખાનના હાથે આપવામાં આવ્યો હતો. તાજેતરમાં જ 'વશ લેવલ 2' ફિલ્મની અનાઉન્સમેન્ટ કરતું ટીઝર રિલીઝ કરવામાં આવ્યું હતું. 36 સેકન્ડના આ ટીઝરમાં જાનકી બોડીવાલા ધીમે ધીમે પોતાનો ચહેરો બતાવે છે. જાનકીના માથે એક પણ વાળ નથી અને તે બાલ્ડ લુકમાં જોવા મળે છે. ઉલ્લેખનીય છે કે થોડા સમય પહેલા જ હિતુ કનોડિયાના રોલનું પોસ્ટર રિલીઝ કરવામાં આવ્યું હતું. પોસ્ટરમાં હિતુ કનોડિયાના ચહેરા પર ડર જોવા મળ્યો હતો આ ફિલ્મની વાર્તા સારા અને ખરાબ વચ્ચેની લડાઈ પર આધારિત છે. ઉલ્લેખનીય છે કે જાનકી બોડીવાલા હવે બોલિવૂડ ફિલ્મ 'મર્દાની 3'માં રાની મુખર્જી સાથે જોવા મળશે. ફિલ્મ 'મર્દાની 3'નું શૂટિંગ આ વર્ષની શરૂઆતમાં શરૂ થઈ ગયું છે. આ ફિલ્મ આવતા વર્ષે 2026માં હોળી પર રિલીઝ થશે. જાનકી બોડીવાલા પણ રાની મુખર્જી સાથે પોલીસ ઓફિસરના રોલમાં જોવા મળશે.
Click here to
Read more
